Menu

لزهر روين
رحمة الله عليه(ها) لزهر روين

لزهر روين في ذمة الله … لن نقول إلا ما يرضي ربنا.

لزهر قرى على روحو، تخرج، صبر على البطالة، نجح في كاباس 2017 … و مات بعد صراع السرطان دون تغطية إجتماعية …

شهر و نص مطيش في مستشفى الحبيب ثامر دون تلقي العلاج بسبب عدم تمتعه بالتغطية الإجتماعية.

اكتشف المرض متأخرا لعدم قدرته على القيام بتحاليل خاصة في العام الماضي في الصراع مع وزارة التربية.

حسبي الله في كل من كان سببا من قريب أو من بعيد … و كل من سكت عن الحق.

حسبي الله و نعم الوكيل في كل من ساهم في ظلم ناجحي كاباس 2017 و عطل مسيرتهم المهنية.

بينك بين مولاك يا حاتم بن سالم، مانيش مسامح.

نجحنا … قتلتونا قبل ما تخدمونا

تتفكروه الزميل لزهر روين من ناجحي كاباس 2017 إلي مسكين في الوطن متاعو يرقد أكثر من شهر في المستشفى دون علاج كيميائي خاطر ما عندوشي فلوس أو كنام باش ينجم يعالج رغم أنو عمل التكوين النظري و كان لازم وزارة التربية تنقذوا زميلنا طلب المساعدة و ترك رسالة إلى وزير التربية يترجى فيها مساعدتو أمل منه أنو يتعالج و لكن عاش محروما و توفى محروما من أدنى حق و هو العلاج يعني في تونس إلي ما عندوشي فلوس يموت حسبي الله و نعم الوكيل في كل مسؤول لم يكترث لشبابه و الله يرحمك يا لزهر برحمته الواسعة و يبدلك دارا خيرا من هذا الوطن البائس الله يرحمك و يصبر أهلك و زملائك

#لزهر
إلى الديان يوم الدين نمضي و عند الله تجتمع الخصوم فحدث ربك يا لزهر …
– أخبره أن في وطني من قتلني و أطفئ شموع عمري من أجل عيون كريستين …
– أخبره عن وزير بارد الأعصاب يعترف بحقك و لا يمنحك إياه و عن وزارة تتعامل مع البشر كأرقام على دفاترها …
– أخبره عن أستاذ يقضي شهرا و نصف في المستشفى و عن بيروقراطية حرمتك من حق العلاج في دولة مجانية الصحة و التعليم …

أنا لزهر إلي ما عندوش زهر …
أنا لزهر … قصة جيل حطمته دولته …
أنا لزهر ضحية نجاحي و تميزي في تونسهم …
أحدثكم عن حلم مات صاحبه و ظل الحلم ينتظر …

دنيا تركتها لكم فهي صارت مقرفة لا تعجبني.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *