مختار العرفاوي
رحمة الله عليه(ها) مختار العرفاوي

سي مختار العرفاوي في ذمة الله… الله يرحمه و ينعمّه.
كان قيّم في معهد بوعرادة ، كان بمثابة الأب ، كان عزّ الناس… عمره ما ضرّ تلميذ… كان معروف بكلمة كل ما نضايقوه بحسّنا و مشاكلنا “ريض يا راس المهراس”… كانت تضحكنا كثيرا … كان هادئ الطبع بسيط إلى أبعد الحدود… كان مثال المربّي الفاضل بنصائحه و حديثه و عِبِرِه….
سي مختار توفّى لكن بقت سمعته الطيبة و عرضه النظيف و كلماته الحنينة رغم ثقل “المهراس” لكن مهراسك كان خفيف مثل خفة روحك… الله يرحمك و يجعل مثواك الجنة…