Menu

منية اليوسفي
رحمة الله عليه(ها) منية اليوسفي

الله أكبر ….. الله أكبر
إنا لله و إنا إليه راجعون
توفيت اليوم الإربعاء 25 جويلية المعلمة منية اليوسفي بعد صراع مع المرض الخبيث تاركتا وراءها إبنتها ذات 8 سنوات و أخا و أخت يحملان إعاقة كلية و أم عجوز و هي العائل الوحيد لهم
نتوجه بنداء للوقوف إلى جانب هذه العائلة المنكوبة
ملاحظة : المرحومة تم إنتدابها السنة الفارطة فقط بعد بطالة دامت أكثر 15 سنة بمعهد العلا القيروان
الله يرحمها و البركة في كل عائلتها
و رزقهم جميل الصبر و السلوان

الأخت Monia Yousfi في ذمة الله 😪😪

الموت هو اخر محطات العمر ولكن عندما تسبقه محطات أخرى، فهذا هو الموت المضاعف
هي زميلة نايبة تعمل في معتمدية (العلا المساعيد. القيروان) كان من الفروض ان تنندب من طرف الوزارة هذه السنة .تعرضت إلى مظلمة 😢 تعسف عليها المدير واطردها عندما وقع تعينها بالمدرسة اللتي كان هو يدير شؤونها (ربي يسامحه) تركها زوجها بسبب مرضها هي الكفيلة لابنتها التي أصبحت الآن يتيمة الأبوين
ربي يرحمها ويجعل الجنة مثواها الاخير
الله يرحمها وان شاء الله تسامحهم هلي يظلموا فيها و فينا وحتى واحد فيهم ما تجرأ وقارن بين امتيازته وما ناخذه نحن ويدعون انه امتياز

اليوم غسّلنا منية بدموع عينينا …
وهزيناها على أكتافنا وللجبّانة مشينا…
و صلينا عليها صلاة الجنازة و بكينا …
و دفنناها ونزلنا اللحود بيدينا …
و روحنا و النار شاعلة فينا ….
الله يرحمك وخيّتي و ربي يصبّر مميمتك …و يحفظ بنيّتك.
وضعيّة إجتماعيّة كارثيّة بامتياز…ظروف قاسية …معيشة رثّة … حتّى الطبيعة كشرت عن أنيابها … عجوز في الثمانين تكاد تقف على ساقيها مكبّلة بأمراض الشيخوخة المقيتة… ولدان معاقان…توفي الأب ( وهو معاق أيضا ) سنة 2015 ثم توفّي الإبن الأكبر منذ ستة أشهر مخلّفا ثلاثة أيتام و “سارّة ” إبنة منية رابعتهم حديثا …أخت كبرى لم تسلم من المرض الخبيث الذي يستلذّ بنهش جسدها… منزل بسيط إلى حدّ الكآبة …
هم لا يتمتعون بالمنح الأجتماعيّة…ليست لهم جراية غير راتب منية الذي سينقطع بمجرد إستخراج شهادة وفاة…
أيوجد إبتلاء كهذه الوضعيّة المأساويّة… ؟
ورغم ذلك كانت المرحومة بإذن الله منية يوسفي تكابر وتتعفّف عن الصدقات و الهبات … وكانت آخر وصاياها ( على لسان أمّها ) : ” يا يمّة ما تخرجيش للشهيلي لا يطلعلك الدمّ … يا يمّة سارة بنتي أمانة عندكم … يا يمّة بالله سامحيني…”.
سارة أمانة في رقبتكم الناس الكلّ.
الله يرحمك وخيّتي 😭😭😭
ـــــــــــــــــــــــــــــــــــ
هذا حساب Mohamed Saber Douzi لمن يريد أجر يتيمة وهو عند الله عظيم فليساعدها بما يستطييع صبوا عليه اللي كتب من ربي وأجركم عند الله ….
Poste
01594831 58
هذه دعوة لننشر في كل الصفحات المنظمات الخيرية واسماء الاشخاص النبلاء ذوي القلوب الرحيمة الذين يعملون على ايصال المعونات والمساعدات للمحتاجين واليتامى ..

 

نداء….
الى الاخ السيد السبوعي كاتب عام الاتحاد الجهوي الى كل المنظمات و الجمعيات الى كل محامي شريف قادر انو ياقف قانونيا مع اسراء بنت منية يرحمها و يضمنلها حقها في الكفالة من طرف جداها خالتي زينب راهم قاعدين يتعرضوا لاشكال قانوني فيه تعسف على حق اسراء يجب التدخل و اللي يعرف محامي يتطوع و يعاونا…..
المعلوم انو زوج المرحومة غادر تراب الجمهورية في اتجاه ليبيا و خلى منية و اسراء دون عائل مما اضطر بالمرحومة الى رفع قضية في اهمال عيال و تم الحكم عليه بالنفقة غيابيا و ادرج بالتفتيش لكن الوحدات الامنية قالت اول ما يرجع لتونس نشدوه ..
الراجل تو سنين تقطعت اخبارو بعد ما كان في البداية يتصل بالمرحومة و يسمع فاها في الكلام لكن بعدها تقطعت اخبارو نهائيا تو عندو قرابة ثلاثة سنين.
الاشكال انو منية صبولها شهرية جولية لكن بحكم وضعها الصحي منجمتش تجبدها و اليوم خالتي زينب هزت شهادة وفاة فماش متجبد شهرية منية قالولها لا الوحيد اللي ينجم هو راجلها!!!! مع العلم انو مفماش ريحتو و نغس الشي صار وقت مشيت ل cnrps وقت حبينا نركحوا اوراق منية باش العيلة ياخذو جراية عند الوفاة جاوبونا نفس الشي راجلها الوحيد القادر انو يجبدها بحكم انو موش مطلقها و مزال حي!!!!….
يعني سي السيد هي حية معذبها و هي ميتة كيف كيف لازم محامي يتطوع و يعاونا باش نجبدوا الفلوس و تتحول الكفالة لخالتي زينب موش معقول عيلة يصير فاها هكا و تتحرم و سي السيد في ليبيا شوف يرجع شوف لا…..
لازم تدخل سريع و في اقرب وقت يا رسول الله عيلة تعاني مالجهات الكل و لا حد راحمهم و على الاتحاد تكليف محاامي متطوع لفض الاشكال في اقرب وقت..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *